無綫記招惡搞姜濤 林盛斌為不當言論公開致歉 (15:00)

文章日期:2021年03月27日

無綫藝人鄧智堅日前在TVB記者會上扮姜濤現身,惹來一眾「姜糖」不滿,認為不尊重兼醜化了姜濤。當日在台上曾附和馮盈盈大叫一句「𡁻佢」的林盛斌(Bob),主動在社交平台留言為事件致歉。

他說︰「收到各位嘅意見,亦明白大家嘅感受。如果我嘅行為同言論令到任何人唔開心,我衷心同各位講聲唔好意思,對唔住。亦向姜濤同其他支持佢嘅朋友及粉絲表示,我為我一時衝口而出嘅不當說話令人有唔好嘅感受,感到十分抱歉,我亦會好好檢討我日後嘅言行。」

對於阿Bob的道歉,網民各有不同意見,有粉絲不接受,但也有不少網友稱讚他願意認錯的舉動,說比死撐當冇事發生好,叫阿Bob繼續加油。

相關新聞︰無綫搵藝人惡搞姜濤惹不滿 「薑蓉」鄧智堅被洗版式炮轟

相關新聞︰無綫記招惡搞姜濤惹不滿 馮盈盈自認粉絲補鑊 姜糖唔受落

(即時娛樂)