方力申（Alex）﹑陳自瑤（YoYo）和馮盈盈擔任由麥玲玲和林盛斌主持的《師父有請》嘉賓。提到馮盈盈入行至今是非不斷，盈盈說：「我都唔明白點解咁多，其中一個月唔更新社交平台同唔出街，點知地球繼續轉、繼續有新聞。（保存自己新聞？）我每日會搜尋自己個名10次，擔心又有新聞出街，好似開六合彩咁，睇下今日開乜嘢話題先。新聞咁多同我日常生活分開兩件事，冇理由新聞多唔食飯嘛，我會餓死。同朋友正常社交啫，我都唔明，人食飯我食飯，間餐廳咁大，硬係有啲咁八卦人周圍亂咁偷拍，報料人有錢收，最嬲係我冇份收，佢哋收萬幾元，分分鐘貴過我一集騷錢。」
