吳若希呻放假忙過開工 讚老公做大廚負責煮飯 (20:06)

吳若希（Jinny）日前為今年推出的新歌《錯的一天》拍MV，此歌為劇集《伙記辦大事》的片尾曲，歌曲主題講及錯愛，Jinny演繹新歌時勾起不少往事，她笑說：「歌曲係講在錯的時間，愛上對的人，我覺得同老公相遇嘅時候，都唔係一個啱嘅時候，但佢的確係一個啱嘅人，其實如果嗰個係啱嘅人，所有問題都會解決到，一切只視乎自己嘅心態同取捨。」今次MV請來《#後生仔傾吓偈》陳欣茵及曾展望參與拍攝，Jinny身為旁觀者眼看慘痛的愛情故事。