關宛珊誕下7磅兒子Preemo 林溥來見囝囝出世感動眼濕濕 (17:33)

文章日期:2021年04月14日

林溥來(Patrick Sir)和太太關宛珊(Kimmy)的囝囝林若嘉(Preemo)昨天出世,母子平安!Patrick Sir在社交平台上載一家三口的溫馨全家福,還有初生囝囝Preemo的照片,透露兒子重7磅幾,身長50cm,出世時喊了幾聲後就張開眼睛望住感動到眼濕濕的他們。Patrick Sir表示囝囝是個大隻BB,連醫生及助產士也指他頭又大又多頭髮。

Patrick Sir說︰「感恩天主賞賜一份完美嘅禮物俾我同Kimmy,我哋會好好愛護佢教導佢,令佢快樂成長,培育佢成為一位有愛心、有責任感、有能力嘅人,長大後好好咁貢獻社會,為世界帶嚟正面嘅改變。老婆,好多謝你,多謝你咁多個月嚟陀住BB仔嘅付出!陪住你生嘅時候,拖住你隻手,頭貼頭,嗰一刻覺得你好靚好偉大,你樂天正面嘅態度令我個心好溫暖。雖然我哋已經做父母,但係喺我心目中,你永遠都係我可愛嘅女朋友仔,對你嘅愛唔會有一絲減退。Will love you and Preemo forever!」

(即時娛樂)