【今晚直擊】蔡卓妍（阿Sa）和姜濤今晚出席「HPV健康教育大使發布會」，二人相差17年，阿Sa笑說：「拍廣告之前嗰晚，助手message我，話我生得姜濤出，我計咗好耐，咦！係喎，我屬狗，1982年，佢1999年。（你17歲生佢？）點解唔得呀？跟住搞到我第二日一起身，即刻狂碌塊面，幾大壓力。」
阿Sa大讚姜濤可愛、乖巧、有禮貌又靚仔高大，問到是否幻想將來生仔都是靚仔？她笑說：「如果我咁有福氣就好喇！（生囡囡？）我又冇乜所謂，不過講真，依家突然之間唔係好想生，一嚟覺得好似都雪咗（指雪卵）啦，都冇咁大壓力，第二呢個疫情令我有少少打消念頭，你都唔想生個小朋友出嚟，第一件事就係幫佢戴口罩，所以遲啲再諗，你知女人好善變，呢個時候我唔想生，唔知將來係點。」
相關新聞：狂拍廣告變吸金王｜姜濤唔敢接內褲廣告：我有自知之明
