ERROR自肥企画|Mike導製作節目貴在堅持:聽落好易其實好難 (13:24)

文章日期:2021年05月18日

ERROR主持的ViuTV節目《ERROR自肥企画》,昨晚的主題是「BTS」,即是Behind The Scene,談到節目背後的創作故事,而該集一開始已提到:「由於一集半個鐘,好多精采鏡頭都未喺播映時間播出,所以今集盡量將刪減片段播出。」格仔導演Mike(劉諾衡)在節目中表示很喜歡一班人為節目自製道具,當中包括懲罰工具「死亡行星」,Mike導沒有詳細介紹,但就有多位成員親自試過威力。

Mike導最滿意及獲成功感,當然是「地陷之計」的大窿,由設計到完成都是團隊落手落腳搞掂,Mike導與Rain P.也親身試伏,測試安全度及整蠱需要,他給予滿分。

節目尾聲時,Mike導分享製作節目心得,他表示雖然老土,但全憑「堅持」兩個字,才可以成事,他說:「做節目同做任何嘢一樣,講緊堅持。好多時會遇到阻礙,因為規矩、道義、budget(預算),同埋好多唔同理由,會阻礙你嘅堅持。呢個節目、呢班人,可以由第一個節目行到嚟依家,拍到一啲有觀眾欣賞嘅節目,都係一路堅持住我哋認為係啱嘅嘢。一直堅持,聽落好易,其實好難,但就睇你堅唔堅持到。」節目最後送上「致一直還在堅持的人」字幕。

(即時娛樂)