攀山涉水拍廣告 黎明揸越野車穿越森林 與小朋友互動展父愛 (14:26)

文章日期:2021年05月18日

黎明早前拍攝全新財富管理廣告系列,大受歡迎,網上瀏覽率已近500萬,不少觀眾喜愛黎明的戶外造型。新的廣告陸續推出,黎明展開駕駛越野車旅程,體驗越野駕駛。黎明拍廣告時攀山涉水,駕駛越野車穿越叢林、到湖邊體驗非一般釣魚、並與小朋友一同觀星。

黎明說:「作為一個地球人,梗係要盡情嘗試不同嘅生活,咁先可以發掘更多財富嘅無限可能!所以今次嘅拍攝好好玩,例如可以體驗平時比較少接觸嘅Off-Road(越野駕駛),一直都好想嘗試,但平時因為冇時間,今次玩完先發掘到原來香港好多地方都好靚!之後嘅廣告系列,我仲會由陸地玩到水上,著住水鞋到湖邊體驗Fly Fishing(飛蠅釣),同埋仲會喺戶外中欣賞動人嘅星空。」

黎明除了駕車穿越森林外,更要走過崎嶇狹窄山路,驚險非常,他表示:「原來Off-Road並唔容易,有好多路段難度好高,比如當架車駛到去好多石嘅路段時,如果遇上大石,令越野車被卡住,呢個時候就需要落車,用鋼索連繫同伴嘅車先可以跨越。」

除了戶外拍攝,是次花絮也展露黎明溫柔一面,他跟小朋友之間互動非常温馨,不但在水池玩釣魚遊戲,小朋友更在黎明雙腿上肆意畫畫,而黎明體貼配合,哄得小朋友嘻哈大笑。

(即時娛樂)