跟《廉政行動2022》鬧雙胞? 王浩信親身上陣拍動作戲 5樓跳落街追賊 (18:45)

文章日期:2021年05月25日

【今日直擊】王浩信、胡定欣、譚俊彥和蔡思貝等,今日出席邵氏網劇《廉政狙擊》開鏡拜神儀式。浩信在劇中演O記,他表示大部分動作場面由他負責,其中一場更要由5樓跳落地下,他說:「預了驚險,但都會親自上陣,吊威也好安全。」

該劇是胡定欣加盟邵氏後,首齣演出劇集,定欣說:「這部劇是我拍劇以來,成長背景最複雜、最苦最痛角色,講我因一場意外,失去一條腿,要安裝義肢,睇劇本時已睇到喊。」對於該劇與無綫拍攝中的《廉政行動2022》被指鬧雙胞,王浩信覺得沒所謂,取材和角度均不同。

有份拍《廉政行動2022》和《廉政狙擊》,在劇中演ICAC調查員的譚俊彥和蔡思貝認為兩劇有所不同,角色亦有分別,不會混淆,蔡思貝說:「造型都不同,《廉政狙擊》齊蔭,較女性化;《廉政行動2022》就較男性化,鬼馬活潑。」

問他們有否拍到精神分裂?譚俊彥笑說:「已習慣,之前演殺人犯,今次就拉人,演員好玩和有挑戰性,就是演繹不同人生。」思貝未試過兩劇疊住拍,好大挑戰,初期也要去適應,同時睇兩個劇本,頭腦要清晰。

相關新聞:跟黃宗澤爆「攣」情? 吳卓羲口快快自爆平時唔著底褲

(即時娛樂)