陳自瑤（YoYo）在今晚（26日）播出的《好聲好戲》第3回合，除獲得專業評判的一票外，3位主席評判汪明荃（阿姐）、韓馬利和陳永信也投給YoYo，令她昂然進入總決賽，屆時YoYo會跟馮盈盈和張振朗爭奪傑出聲演總冠軍。YoYo聞悉出線後激動落淚，她說：「因為其實我同老師講，無論今次入唔入到決賽，都希望藉今次比賽呢幾個回合，對得住自己，對得住老師。」
阿姐大讚4位參賽藝人表現，她說：「之前講咗好多意見，比如YoYo喺熒光幕上見佢演苦情戲同嗌交戲，但原來演喜劇都得，（楊）潮凱、（洪）永城、Yuki（羅毓儀）表現令人眼前一亮，好多潛質有待發掘。
喺呢度同各位監製講，唔好用來用去都係嗰幾個人，應該畀多啲機會其他藝員同事，因為佢哋可以發掘嘅地方真係有好多，唔好幫我哋藝員定型，唔好成日一味叫佢哋做死某一種角色，唔單止藝員演到悶，觀眾都睇到悶，我哋TVB仲有好多藝員同事，我相信佢哋每位都願意嘗試，每一位都有可能性，各位監製，認真考慮一下我意見。」
