參加過《全民造星III》的陳澤言（CY），跟關心妍（Jade）學唱歌已一段時間，CY和Jade合唱的《腍》版本已派台。《腍》自推出後反應熱烈，促成今次合唱版的誕生。
當CY接到邀請時受寵若驚，他說：「真係無諗過會得到Jade邀請，尤其之前無試過同人合唱，覺得好神奇，但同時都有壓力，不過依然開心興奮！」Jade大讚學生CY，更因為上次合作，非常欣賞他的唱功，一想到做合唱版，就馬上想起他，她讚CY是唱家班：「我呢首歌唔易唱，佢入到錄音室都要練，但係佢好快pick up到，原來隻歌比較適合男仔唱，佢唱得好好。」
被前輩Jade讚賞，CY開心之餘也謙虛，CY向唱歌事業發展，正籌備個人第一首新歌，而派台「處男作」就給了Jade，正好為他打下強心針呢！
Jade透露已經入紙紅館，希望明年於紅館舉行第3次個唱，「對上一次紅館演唱會係10年前，明年都係我入行20周年，所以希望今次入紙成功」。
