黃耀明（明哥）早前（6月16日）度過59歲生日，好友何韻詩約他食飯切蛋糕慶祝。阿詩在社交平台上載合照，感慨留言︰「呢啲時勢，每次見面都係先無奈苦笑，跟住都係嗰句：『我哋要見多啲啊。』見面時講吓八卦、笑吓、擁抱吓、互相嘲諷吓、無聊吓、互相關心吓、到入夜講吓自己心底嘅迷思。最簡單平凡嘅一聚，喺呢個時候係如此珍貴，我哋心裡都知道。」
「美麗善良的明仔，總係喺我覺得有些微不安時，飾演一個anchor，一粒定心丸，穩定我嘅意志。諗落由當年一齊come out後，無啦啦咁就一起走過接近十年，真係好XXX。今日你同我不約而同都選擇留下，除咗各種好難說明嘅原因，或許更主要係出於係創作人對目擊時代嘅一種莫名執著。真係好在有你明我。日子越嚟越唔容易，但有你一起行落去，我什麼都不怕（umm well⋯⋯除咗小強）。你要一直健健康康平安快樂，記得戒口啊衰仔。」
