大叔的愛|爆「阿田爭奪戰」 德斌炮製愛心便當 呂爵安被盧瀚霆吻額 (23:10)

文章日期:2021年06月30日

ViuTV人氣劇港版《大叔的愛》今晚(30日)播映第三集,田一雄(呂爵安飾)被凌少牧(盧瀚霆飾)浴室強吻後,感到相當迷惘,不知如何是好,田田向主任Darren(陳子豐飾)吐苦水,表示有「朋友」被同性惜了一下,期間Darren在田田耳邊說:「唔好理認唔認真先?你開唔開心吖?」田田聞言表示不開心,Darren則表示若不開心的話,便是性騷擾;田田就表示未去到性騷擾那麼嚴重,豈料對話遭Carmen(練美娟飾)聽到,並當場揭穿所謂的「朋友」,正是田田本人。

當田田返家後,阿牧解釋浴室之吻只是惡作劇,阿牧說:「上次玩吓之嘛,點知你驚成咁嘅啫?」然後阿牧再「突襲」田田,並問:「你中學時冇玩過happy corner咩?」田田即時用手遮住重要部位,田田才說:「我真係畀你嚇死呀,我成日食唔落飯呀!」

阿牧再說:「你嗰時郁都唔郁,不知幾尷尬,我心諗你唔係唔識接嘛?」田田聞言笑稱:「本田少六嚿腹肌又濕身,驚你把持唔住!」阿牧再說:「慳啲啦!腹肌我大把啦!」田田鬧着玩說:「畀叔叔Check吓!」之後田田叫阿牧別再偷襲他。

KK(黃德斌飾)帶同由「TIN」字樣砌成的愛心便當,跟田田「午餐約會」,KK還憶起有次跟田田外出工作時,被人偷走公事包,豈料KK扭傷腳,田田細心幫他治療,令KK感動冧爆,他說:「就係咁,你將我變成童話中主角,我係你嘅灰姑娘,你係我嘅白馬王子。」KK還告訴田田,他跟老婆(簡慕華飾)離婚,嚇得田田不知所措。

期間阿牧突然現身,並跟KK開拖爆「爭『田』戰」,阿牧叫KK要公私分明:「你知唔知搞到阿田好煩?我依家暫時同你放低上司下屬身分,你(KK)想追阿田,係咪?又飯盒又盛,知唔知搞到阿田好唔自在?好驚㗎?」田田聞言連忙表示完全沒有,阿牧續說:「你係佢老細,你煮乜嘢佢都要食,你根本唔了解佢,你係冇可能同佢喺埋一齊!」KK反問阿牧:「我同阿田又關你乜事呢?」

阿牧此時說出心底話:「因為我鍾意阿田,你咪使旨意搶走佢!」KK表示跟田田相識10年,阿牧則反駁:「講笑咩?長唔係大晒㗎,識一個人係要講深度!」之後KK如數家珍列出田田10個優點,阿牧則列出田田缺點,田田勸交叫兩人不要吵,還表示自己喜歡大胸女生。

當晚田田在餐廳遇到阿牧,田田指摘對方為接近自己而大獻殷勤,令阿牧嬲到震。梓芊(徐㴓喬飾)則鬧爆田田自私,田田在家洗澡反省過後,便踢拖去找阿牧,期間在天橋找到阿牧,田田說出自己很需要他,並叫阿牧回家,之後阿牧便輕吻田田額頭。

(即時娛樂)