MIRROR成員呂爵安（Edan）在ViuTV劇集《大叔的愛》演田一雄角色，Edan喜感十足，他的浮誇又搞笑演繹，令觀眾笑到捧腹，昨（1日）晚一集，因應劇情需要，Edan跟同劇的女演員簡慕華和練美娟，齊齊身穿修女服拍劇。
Edan昨晚在社交網貼了「修女三人組」合照，化身「E修女」揮鞭的Edan，因為動作過大，不小心勾到自己條裙，幸他有穿打底短褲，並沒有泄春光，不過他仍鬧着玩以emoji遮住，Edan搞笑寫道：「以下短片及照片可能會引起觀眾不安。修女三人組出場了！！呢幕拍嗰陣已經笑到想死，呢Take仲要唔小心勾到條裙，走晒光！嗰下Feel到下半身突然涼一涼我就知咩事了，即刻好想笑，真係攞命。希望大家今（昨）日都睇得笑得開心啦 #點解可以咁樣衰 #偶包要去外太空執」。
相關新聞：大叔的愛︱簡慕華搵Edan幫手捉姦 黃德斌終鼓起勇氣剖白
