《聲夢傳奇》的14歲學員鍾柔美（Yumi），日前在節目中跳唱郭富城《狂野之城》，事隔數天，片段在YouTube已破60萬點擊率，成為熱爆影片首位。片段中，身為Yumi導師的泳兒哭成淚人，喊到妝也溶掉。
泳兒哭得如此厲害，原來是想為Yumi大平反，她說：「喊得咁犀利，係因為啲人成日只係覺得Yumi跳舞叻，但對佢唱歌有啲質疑，我好想幫佢平反，唔係只係可以跳，唱歌都可以，今次我特別着重教佢唱歌演繹同眼神。」
向來擅長跳舞的Yumi，在舞蹈上沒有遇上太大難題，不過唱歌方面，確實要下點苦功。比賽前，泳兒買蛋糕到排舞室探班打氣，泳兒表示自己不擅長跳舞，但希望分享經驗給Yumi，她說：「我跳舞唔係太叻，不過如要唱快歌，可以透過跳唱時嘅肢體去幫助唱歌，咁樣可以唱得穩啲，同埋人歌合一！」
現場所見，泳兒幾乎逐句指導Yumi，更於每句畫上標示，Yumi亦聽得用心。表演過後，除了得到導師們認可，網民亦有讚無彈，有人留言稱泳兒是Yumi伯樂，有泳兒唱歌影子呢！
