ViuTV人氣劇《大叔的愛》今晚（7日）播映第8集，阿牧（盧瀚霆飾）與田田（呂爵安飾）去到詐騙公司與負責人對質，最後憑着方梓平（楊偉倫飾）經常用錄音機錄下笑話的習慣，終於證明詐騙合約無效，成功替梓平取回寓所。
梓平胞妹梓芊（徐㴓喬飾）多謝「田牧」幫忙，梓芊原打算搬走「田牧」寓所，不過最後住多幾天。之前田田和梓芊在家中表現曖昧，令阿牧「醋」底，阿牧打算搬去前度Darren（陳子豐飾）屋企暫住，他表示「想轉換新環境」，此時剛冲完涼裸上身的田田挽留阿牧，並衝上前攬實他：「唔好走啦！」湊巧梓芊剛拿着外賣回家，撞正兩男攬住的場面，氣氛尷尬。
之後阿牧問田田為何不讓他走，田田表示總之不想他走：「我都唔知自己諗緊乜嘢。」阿牧再說：「其實梓芊同你都幾襯。（田田：我同佢由細玩大，朋友嚟咋！）咁不如你畀個機會我吖？如果你同佢（梓芊）冇嘢嘅，即係你可以同我一齊啦。阿田，不如你同我喺埋一齊吖！」今集片尾曲播出壽星仔盧瀚霆新歌《不可愛教主》。
