40歲楊洛婷早前再為人母，為老公黃天翱（Tim）誕下囝囝，英文名叫Tristan Hart，今午5時許，楊洛婷在社交網貼相，相中的她戴了口罩，一臉倦容，她表示B仔發燒要睇急症，令她擔心不已，楊洛婷寫道：「好多朋友問我坐月係咪坐得好開心，其實我係好擔心，噚日Tristan無端端發燒，我即時帶佢入急症室，醫生話我哋要留院做測試同種菌，睇住我兩星期大嘅BB被抽血、抽脊水，插尿道管放尿，好心痛，雖然我應該喺屋企坐月，但係依家我哋兩個就要乖乖哋，住喺醫院一星期等報告，同一時間Tanya（女兒）又開始發燒，真係好難過呀，不過我會繼續保持樂觀嘅態度，希望兩個都快啲好返，Tristan同我可以快啲返屋企。」
