睇MIRROR如此多Fun 導致婚姻破裂關注組有「叛徒」 (21:33)

文章日期:2021年07月10日

MIRROR成員Anson Lo(盧瀚霆)及Edan(呂爵安)今日出動到尖沙嘴開工,吸引逾千粉絲到場支持,擁26.5萬成員的「我老婆嫁左比Mirror導致婚姻破裂關注組」Facebook專頁,不少「苦主」奉命到場,有陪伴另一半,亦有人被派任務到場影靚相。活動後有群組成員分享在粉絲群中奇趣場面與感受。

有女鏡粉的手唔夠長遞高手機拍攝,便將老公的手當「人形腳架」勝在可以自由調教影相角度。贏得逾1萬2千Like是題為「好老公代表」的照片,照片中見兩男一女的背部,形態似一個男人孭住一個奮力拍照的男人,而女則肉緊抓住身邊男人的手臂。有網民留言:「呢個關係有啲複雜」、「大叔的愛?」又有「男人揹住男人去影男人」。

活動現場有身材魁梧的外籍保安維持秩序,有拍攝到AL與Edan跟粉絲揮手時,一個黑人保安似頂唔住現場鏡粉震耳欲聾的尖叫聲而用手掩耳。網民留言他是「真.苦主」,有關心問他的耳膜會否穿了?有提議找歐錦棠(曾拍攝職業失聰補償計劃的宣傳)幫手。又有成員稱現場捉到很多「叛徒」,拖住老婆搵靚位等睇Anson Lo與Edan。

今晚ViuTV《又要威又要戴頭盔》錄影,主持余迪偉留言:「MIRROR導致婚姻破裂關注組的老公已經準備就緒!但係佢哋話好遺憾今日班真老婆跟埋嚟,唔知一陣開廠有幾失控!」有網民留言老婆跟埋老公去ViuTV訪問另有目的,是想遇見MIRROR成員。

(即時娛樂)