黎明（Leon）昨晚在紅館舉行第2場演唱會，請來鄭秀文（Sammi）擔任嘉賓，Leon先分享自創「風呂減肥法」，全場爆笑。講到興起，Sammi又爆料：「我要爆黎明少少嘢，佢唔知由幾時開始個人好飄，好迷離。幾年前佢打電話畀我，話想幫我監製一首歌。我心諗：乜你識監製歌嘅咩？心裏滿是疑問，不過見你係黎明就好啦！然後你搵咗你老友又係我老友Mark（雷頌德）幫我寫咗首歌《犀利》，我記得你仲話要幫我拍MV。MV？於是我上網查吓你拍過乜嘢MV。點知有一日，你又話我知唔得閒，唔幫我拍MV啦！嘩，乜你咁飄㗎？你啲節奏好難跟呀！」
