熱愛畫畫並曾到倫敦進修藝術課程的趙慧珊（Aka），日前帶同畫作到尖沙嘴虛擬貨幣店，出席數碼虛擬藝術展。Aka首次接觸這類虛擬資產平台︰「希望自己作品可以喺唔同平台出現，呢個係趨勢，中間有一個互動，令大家多點認識我作品。」
Aka透露希望在疫情中，大家看到這幅畫會開心，她說︰「因為疫情大家都好悶，去唔到旅行，又擔心疫情會影響屋企人，而大象係吉祥動物，動物中最穩重，可以載你周圍去，加埋我平時好鍾意畫嘅精靈，精靈有小魔法，可以帶你去唔同地方，再加上一道旋轉門，好似帶你去另一個世界，希望疫情令到嘅唔開心事可以拋諸腦後，帶大家去一個屬於Aka嘅夢幻世界。希望大家見到呢幅畫會開心。」
因疫情關係，網絡購物成為新趨勢，Aka自言仍是「初哥」，不過她透露同朋友夾份投資的「以太幣」有意外收穫，她笑說︰「我都想與時並進，學多啲網上嘅嘢，自己有學緊用唔同類型日常數碼科技，妹妹都有教我。」問到是否榮升「小富婆」，她笑說︰「唔係呀，一日未放，跌唔會太擔心，因為投資好少，只係想學嘢。」
