無綫力捧|讚炎明熹可造之材 曾志偉為《聲夢》學員開劇 (23:06)

文章日期:2021年07月19日

【今晚直擊】無綫《聲夢傳奇》今(19日)晚舉行決賽,結果由大熱的16歲炎明熹(Gigi)連掃3獎,成為全場總冠軍。副總經理(綜藝、音樂製作及節目)曾志偉受訪時被問到是貼中Gigi奪冠?他說:「應該都會貼,我知道票數,知家庭觀眾選票數最高係佢,佢點都會攞一﹑兩個(獎),但最後擸晒,似阿梅(梅艷芳)以前。(是否可造之材?)絕對係,天生就喺舞台,佢個人好淡定,都係食呢行飯,又好聲,吸收能力好強,最難得係尊師重道,好虛心﹑好識感恩,個個導師都好惜佢。

(公司投放資源捧她?)必然啦,其實唔止佢,今次參賽呢15個(學員),會好好畀機會佢哋。(會否拍劇?)都籌備緊,我搵咗李敏去寫《青春的我》嘅劇,可能加幾位《盛‧舞者》成員,講校園同夢想,希望8月底開拍,等佢哋(參賽者)做完演唱會,休息幾日後佢哋又要練歌,而劇本一路都寫緊,可能會有啲導師加入演出。」

相關新聞:《聲夢》決賽|炎明熹橫掃3獎 力壓Chantel膺全場總冠軍

(即時娛樂)