《2021香港小姐競選》準決賽及決賽，分別8月22日及9月12日舉行，一共8集的真人騷《We Miss Hong Kong STAY-cation晉級賽》，將於8月9至12日，以及8月16至19日晚於翡翠台播映。
今屆港姐破天荒以真人騷進行，28位入圍佳麗獲安排入住西貢一間酒店，在8位港姐師姐領隊帶領下，分成紅、綠、橙及粉紅色4組，參與為期10天的「Stay Battle」，決定哪位佳麗可Stay至最後。
經過一輪激烈的組員爭奪戰後，張秀文及劉倩婷的粉紅色組別佳麗成員包括戴佳敏、宋宛穎、王嫿嫿、劉珍寶、朱綽盈、張嘉倩及余曉蕙；兩位師姐炮製了少女味十足的粉紅睡衣派對，兼送上窩心禮物，為一眾師妹兼組員打氣，溫馨爆燈。
張秀文受訪時表示在STAY-cation晉級賽期間，由於緊張組員表現，經常「虎爸」上身，更曾因價值觀有分歧而跟劉倩婷「鬧交」：「佢可能想鼓勵佳麗多啲，我就想提出佢哋要注意嘅嘢多啲，佢擔心咁會打擊到佢哋。其實大家都係為佳麗好，好似爸爸媽媽咁，都係想小朋友好。我係殘酷啲嗰個，所以係虎爸。」
她又指是次晉級賽，雖然對組員來說有些近乎不可能任務，但她透露組員因為這次體驗，對選美有了新體會：「佢哋個個都話原來唔只係賣靚，對個人成長都有好大推動同幫助。」
談到與組員相處了足足10天，有否發現任何「反差萌」，秀文笑指宋宛穎（Sabina）最令她改觀：「佢唔係我哋首輪心水，但相處咗後我哋好鍾意佢。佢好生性、好有大姐姐風範，佢會好留意現場發生乜事，再提點其他組員。佢自己又好有預備，兼唔會爭嘢，我會揀佢做班長。」
