太極樂隊的演唱會後天（7日）假紅館舉行，MIRROR成員江𤒹生（Anson Kong，AK）將擔任表演嘉賓，張敬軒、葉蒨文、周慧敏等亦加緊綵排，力撐老友的演唱會。
AK日前綵排後非常興奮，更答應現身8月8日尾場演出，將獻唱驚喜版《IGNITED》，太極主音雷有輝笑言「放馬過嚟」，他說：「見佢（AK）綵排都咁high，咪口多多問佢唱唔唱多一場，點知佢又應承喎！其實唱咩都唔會驚佢，最怕佢突然間捉住我跳舞，你知啦，佢哋咁受歡迎，我跳得稍有差池，容乜易畀人鬧㗎！佢畀粉絲有驚喜好啦，千祈唔好突然間嚇親我呢啲『老鮮肉』！」
