張頴康和太太麥雅緻育有一對仔女，麥雅緻正佗住第3胎，BB將於10月尾出世。張頴康昨天在社交平台上載全家福，宣布已戒煙一年﹗
他說︰「呢一年裡面，我都覺得好神奇！以我呢個做任何事都會好大癮嘅人嚟講，我竟然戒到煙，根本係冇可能發生嘅事！所以一定要多謝我老婆、小豆同小花生嘅支持，我先至可以做到呢件事！我記得有個前輩同我講過：『唔好同人講你戒咗煙幾耐，應該要同人講你根本就唔食煙！』戒多一年煙啦，我就會講呢句說話喇！因為到時做身體檢查之後保險費會平一半呀！（當然唔係因為保險費而戒煙啦！不過吸煙者嘅保險費真係貴一倍㗎）」
另外，麥雅緻日前在社交平台上載照片，留言讚化妝師為她化的妝很有驚喜。張頴康留言讚老婆靚女︰「咁靚女！你唔驚我忍唔住又捉你生多個咩？」麥雅緻斬釘截鐵說︰「你諗都唔好諗。」
