奧運選手vs人氣男團 「鄧謝配」接受MIRROR打波挑戰 (20:07)

文章日期:2021年08月08日

東京奧運閉幕禮今(8日)晚舉行,ViuTV《奧運有得揀》邀請到奧運港隊羽毛球混雙組合「鄧謝配」鄧俊文和謝影雪亮相,MIRROR成員陳瑞輝原來曾是羽毛球校隊,他表示好想打波,鄧俊文則說:「相信奧運後會有更多人留意羽毛球,希望更多人投入全職。」

謝影雪被發現聽住MIRROR歌曲《Ignited》做運動,主持馬啟仁(Keyman)說:「依家佢哋(MIRROR)喺度,你有冇話想親近邊個?」謝影雪妙答:「小朋友先做選擇。」全場起哄。江𤒹生(AK)聞言則說:「果然係見慣大場面。」而鄧俊文表示會揀AK,二人隨即擊掌,惺惺相惜。ERROR隊長再問鄧俊文,若然換拍檔,他會揀陳嘉倩或者沈殷怡?鄧俊文則答:「梗係事業為重啦﹗」

有網民提議「鄧謝配」和MIRROR對戰打波,兩位選手會用右手讓他們,謝影雪說:「冇問題。」此時MIRROR隊長楊樂文(Lokman)則拿着「挑戰狀」向2人下戰書,他說:「咁就啱喇﹗我哋MIRROR有好多球類高手,依家向你哋下戰書,接唔接受?」

「鄧謝配」爽快表示接受,Lokman續說:「我以MIRROR隊長身分,向香港羽毛球奧運代表隊,謝影雪及鄧俊文下戰書,約定你哋喺力圖打排球呢個節目,同你哋一較高下。」此時主持陳安立則問道:「打排球定打羽毛球?」Lokman說:「因為我哋係球類高手,奧運有好多節目,我哋乜嘢都玩晒,乜嘢都挑戰。」

相關新聞:東奧閉幕|MIRROR又做「超級攝石人」 姜濤作狀惜Ian

(即時娛樂)