人氣玄學家七仙羽（七師傅）日前出席ViuTV奧運節目，跟MIRROR和ERROR同場，七師傅把握機會跟他們合照，並放上Instagram；不過，七師傅可能是新手玩Ig，她似乎不懂裁相或擺位，竟然裁走姜濤、江𤒹生（AK）和強尼個頭，十分搞笑。
七師傅事後拍片解釋：「導演話之前我拍廣告有好多人睇，如果我唔搞Ig會嘥咗啲粉絲，咁我先搞，我邊得閒玩咁多嘢？人哋要我玩抖音，我都唔得閒玩…（Ig）冇頭嗰啲係我親自落手就冇頭，逢親你見有頭，就唔係我搞，就係啲主持幫我send，後來我發現咗（冇頭照）就即刻delete，跟住都有一個係冇頭，嗰個係強尼。（會唔會影響到佢哋運氣呀？）你見我運氣咁好，關咩事啫？我咁多廣告拍，人哋強尼唔知幾旺，一哥嚟㗎，我後尾補番個頭畀佢，我話『I LOVE YOU』…想知道我七仙羽搞啲乜嘢，可以關注我Ig，或者你唔識串呢啲英文，或者用七仙羽呢個字都可以搵到。」
相關新聞：High爆曬合照｜七師傅玩Ig唔識裁相 姜濤AK慘遭Cut走人頭
