由許廷鏗（Alfred）主持的ViuTV節目《AH佛真‧惜玩》昨晚（24日）播出一集，邀來好友謝安琪（Kay）擔任嘉賓，主題是「『隨心隨性』的生活」，兩人寫書法及學茶藝，Alfred和Kay的毛筆書法不俗，他們互相贈字，Kay送了「念」字給Alfred，Alfred則贈了「我」字給Kay，他向Kay說：「仲記得我哋喺我紅館演唱會中，唱咗一首歌嗎？（係，《我歌故我在》。）其中最後嗰句歌詞係『記住我』，我都希望你記住我，但其實我仲有一個意思，希望你花多啲時間，去記住你自己，所以如果你喺屋企裱起個字，佢會提醒你，呢啲係屬於我嘅時間。」Kay說：「你將個『我』字寫到咁大，真係會提醒我，我經常將自己縮到好細，細到擺埋一邊。」Alfred接着說：「仲有，我希望你可以更疼愛自己。」
