陳瀅接受商台節目《1圈圈 星光背後》梁泰來訪問，談到她近年與方力申（小方）傳緋聞，她透露與小方相識全因張繼聰說：「我哋過時過節都會去阿聰屋企食飯，我同小方第一次見面就在阿聰屋企，之後幾年有一齊參與慈善活動，變咗好熟嘅朋友。」小方曾在回應緋聞時說過「never say never」，陳瀅笑說：「佢對任何一個人都好nice，好易令人有錯覺『佢係咪追緊我呢？』但其實佢係一個好outgoing、好social嘅男仔嚟啫。」問到與小方會否有發展的空間？她搖搖頭。是否對年紀大的男仔沒有興趣？她立即否認說不是，她指以前的男朋友剛認識便知大家有沒有火花，而她跟小方識了近5年，已過了那個階段。
