由梁祖堯﹑Serrini﹑邵美君﹑湯駿業﹑張進翹和葉巧琳等合演的音樂劇《攣攣成人禮》，演出已接近尾聲，連日來都有不少圈中人捧場，包括鄧麗欣﹑許廷鏗﹑楊潮凱﹑梁嘉琪﹑白只等，而人氣男團MIRROR跟梁祖堯因拍攝《調教你MIRROR》而熟絡，MIRROR雖然工作忙碌，但部分成員仍先後抽空捧場，包括柳應廷（Jer）﹑邱士縉（Stanley）﹑李駿傑（Jeremy）﹑楊樂文（Lokman）﹑江𤒹生（AK）﹑王智德（Alton）﹑陳瑞輝（Frankie）和邱傲然（Tiger），有網民留言希望梁祖堯跟MIRROR合演舞台劇。
另外，由於音樂劇撞正方皓玟的紅館演唱會，而梁祖堯﹑葉巧琳和張進翹又想睇方皓玟演唱會，昨晚完音樂劇，即飛車入紅館睇騷，祖堯寫道：「今（昨）晚做咗件好瘋狂嘅事，多謝Edgar嘅安排，我哋演完兩場，衝過去睇方皓玟！呢個演唱會如果唔睇我會後悔一世，但係又撞到正，所以睇到最後幾首歌都要去！睇一陣間都喊咗兩鑊，真係好好睇。」
