《東張西望》外景主持林希靈跟男友陳安立（Brian）夾分開設的食品網店，繼年初推出3款賀年糕點後，今次跟中藥品牌合作推出新款月餅，反應不俗。Brian跟人氣玄學家七仙羽（七師傅）主持ViuTV節目《七救星》，今個星期播映最後五集，節目近日成為網民熱話，當中「七連閃電鞭」更獲不少藝人挑戰。
Brian分享跟七師傅拍攝時的開心事，他表示雖然每集拍攝內容，上山又下海，飛天又靈探，但七師傅經常逗得大家笑不停，鏡頭後亦有很多搞笑事，爆笑幕後花絮可以出多幾集。
Brian又謂節目中有很多不同Cosplay造型，而七師傅喜歡在鏡頭後，跟他們拍攝搞笑小劇場，兼且玩得很放兼投入角色，Brian說：「平時佢又會好照顧我哋，見大家辛苦會買嘢食買飲品請大家，收工之後又請我哋食飯。最近我開始有自己生意，今年中秋推出自家品牌月餅，七師傅知道後，二話不說即幫我預訂100盒，非常非常感動，托七師傅『加持』，最近工作量又確實有所提升，所以真係要講句『我愛師傅』。」
