無綫日前舉行《兒歌金曲SUMMERFEST》，動員近200名表演嘉賓、團體及台前藝員同事，節目將於9月4日（周六）晚播出。
製作組早前舉行了「我最喜愛的兒歌」投票活動，得出結果後，再四出聯絡歌曲原唱者現身節目表演。是次其中一個宗旨，希望家長與小朋友安坐家中欣賞經典兒歌的同時，亦能增加互動，故其中一個環節邀請了朱凱婷（Heidi）及莫家淦，分別帶同女兒林穎彤及兒子莫朗翹，獻唱《我係小忌廉》及《超人的主題曲》。
現場所見，穿了「公主母女裝」的朱凱婷與囡囡默契十足，做出合拍度高的可愛表情及動作，贏盡焦點。朱凱婷笑稱：「其實由囡囡細個開始，我哋就成日喺屋企載歌載舞！都幾開心，囡囡到咗呢個年紀，仲好享受同媽咪唱歌表演，我好珍惜大家上台嘅moment。囡囡今次係專登為咗陪我而學唱《小忌廉》，對我嚟講係好珍貴回憶，好似將我細個鍾意嘅兒歌傳承咗畀佢咁。」莫家淦囝囝雖然較怕醜，但在爸爸帶領下，仍能成功完成多個表演動作，精靈乖巧。
