王菀之舊愛|梁栢堅被楊天命批中今年結婚:呢個世界充滿無限可能 (17:43)

文章日期:2021年09月01日

王菀之舊愛兼填詞人梁栢堅宣布結婚,梁栢堅在社交網表示:「話說今年年頭《喱騷》賀年節目,楊天命批我今年結婚,我醉住心諗仲唔踢你長毛館?但最後都俾佢批中(好彩佢冇批我做老竇同戒酒),宇宙命數有時好X難講,我都結婚,呢個世界永遠充滿無限可能性,鬥長命,見字飲酒。#有乜同路人想贊助歡迎PM #結婚自肥會出贊助名單 #小克首名入球。」

莊韻澄、王宗堯、布志綸、方皓玟、朱薰、李綺雯、趙學而和謝安琪等都留言恭賀,黃偉文則寫道:「唔駛批命,我第一次見到佢,已經知你會結婚。」藍奕邦則搞笑稱「咁我肚入面嗰個點算你認唔認數 #新郎結婚了」。

(即時娛樂)