李璨琛的3歲女兒李元元（Lucy）前天（9月1日）第一日返學，一臉雀躍的她笑容滿面，更對住鏡頭派心心，完全沒有想喊的迹象，反而Lucy媽明顯不捨得女兒，笑言「可唔可以五歲先返學俾我玩多陣先」。
Lucy媽昨晚在社交平台上載Lucy熟睡中的照片，分享女兒首天返學的情况。她說︰「想總結一吓月巴豬包上學後概况：第一日放學後老母問佢返學開唔開心，佢第一句答老母：我好肚餓啊﹗講完肚餓之後，佢問老母：咁我哋依家去邊，老母問佢：咁你想去邊，佢話：我想去shopping。問佢返學做咗啲乜，佢淨係答：玩～～～囉。問佢有冇同學喊，佢話有。問佢有冇想喊，佢話冇呀。其實，老母最想喊。#早唞啦 #係呀係老母患上咗嚴重嘅分離焦慮症 #佢可能聽日就申請去做校工」
