鍾舒漫與前落選港姐陳潔玲去年發生生意糾紛，鍾舒漫入稟向對方追討4萬元，案件昨日在西九龍法院的小額錢債審裁處裁決，鍾舒漫獲判勝訴，陳潔玲向她賠償43,560元及訟費1183元。鍾舒漫在胞妹鍾舒祺陪同下在法院外受訪時，突遭陳潔玲騎劫訪問，鍾舒漫和妹妹耳語後決定讓她先受訪，自己就待在一旁等候。
鍾舒祺昨晚在社交平台上載事發時的片段，可見陳潔玲闖入鏡頭時先搭住鍾舒漫膊頭，將她輕輕推後。從「TVB娛樂新聞台」的facebook片段亦可見到有關畫面，未知陳潔玲當時是否一時心急才如此。鍾舒祺發火說︰「做訪問都要有規矩，俾你騎劫咗個訪問，你鍾意講我哋俾你講，但係唔好郁手郁腳，你仲要推開我家姐，就係為咗攞個鏡頭，真係好冇禮貌，唔該你以後唔好再掂我家姐......誰冇過錯？知錯能改就得。家姐拒絕你一齊做訪問，你鍾意做咪俾你做囉，之後你要道歉都仲要人哋行過嚟你面前俾你道歉！小姐你冇事呀嘛？你嘅行為一啲都唔值得人尊重。」
