9月9日是視后胡定欣的40歲生日，雖然定欣單身一段時間，但她朋友眾多，一班粉絲更為她炮製驚喜，原來fans為她舉行展覽。定欣在社交網貼了多張相片，見到展覽內有多篇她的剪報及多張靚相，還有入行後的珍貴時刻及歌詞等，定欣感激說：「感激，感謝。一張張有你地陪伴住渡過，事業上大大小小重要時刻的相片，勾起一連串屬於我哋嘅回憶！感激一路以來嘅支持同陪伴，呢條路走到今日依然留喺我身邊！有你哋喺身邊，我並不孤獨！非常感謝你哋在今年生日，送咗呢一份咁大咁有心思咁有意義嘅禮物俾我！我應承你哋，我會更加努力做好我自己，工作上有更加好嘅角色好嘅作品俾你哋見到！創造更加多屬於我地嘅回憶！」
定欣昨晚再留言：「多謝！非常多謝每一位今（昨）日親身到來支持，欣賞我Fan Club送俾我的第一個相展，聽說反應好好，當中亦有素未謀面的朋友，大家亦留咗段時間，睇得好開心，我一班Fans的付出好值得！再一次多謝你哋！」
