Shine曾傳因政見拆伙 天佑宣布離開合作20年經理人公司 (13:55)

文章日期:2021年09月11日

組合Shine的徐天佑、黃又南前年分開發展。天佑向來關心社會,不時在社交平台表達立場,因此曾傳他和又南是因為政見問題而拆伙。又南去年9月曾在社交平台澄清Shine分開與政見無關,經理人亦表示天佑因想製作個人單曲,故提出分開發展。

時隔一年,天佑在社交平台宣布離開合作20年的經理人公司。他說︰「近排都發生咗幾件事,第一件想同大家講嘅就係......我離開咗一個廿年嘅comfort zone,即係我合作咗廿年嘅經理人公司。」天佑坦言這一步對他來說絕對不容易,回憶早年14、15歲已跟經理人簽約,中五畢業後即入行拍戲至今。他說︰「睇住呢一行嘅轉變,亦睇住時代嘅轉變,試過成功失敗迷惘一沉百踩,記得有段人生跌到谷底再谷底嘅時候,身邊有人仲話想提點我話我嘅事業有危機,我真係多_謝,然後,就算個天跌落嚟我都要食飯㗎所以周圍搵下機會,終於真係有導演老闆俾機會,結果仲忙過之前,所以記住就算幾唔掂都唔好俾人打沉,因為有『危』就有『機』,然後,咁就廿年。」

天佑透露離開沒有特別原因,只是想推動自己去發掘新鮮事,因此要冒險作出改變。他說︰「經理人睇住我由小朋友成為大朋友,𡃁仔成為人夫,大家都經歷咗好多,真心非常多謝佢嘅照顧,亦非常感恩呢段緣份。冇咩嘢嘅又唔係轉行,換個環境,換個模式,繼續出發!期待快啲有新戲新劇新歌新廣告俾大家,大家繼續多多支持,就係咁講住咁多先,大家都要... Work hard Play hard!身體健康!」

(即時娛樂)