想像前世情人將來結婚畫面 張繼聰爆4歲囡囡「墮入愛河」 (13:15)

張繼聰和老婆謝安琪婚後育有一對仔女，4歲半的囡囡張靖已經開學，昨晚阿聰在社交網貼片，爆料指囡囡已「墮入愛河」﹑自己被囡囡請食檸檬﹑更想像到將來女兒結婚畫面，十分搞笑，阿聰說：「我成日都好驚呢一日來臨，但原來呢一日已經嚟咗，我諗我個女已經『墮入愛河』，自從佢返學之後，佢成日都會提住一個男仔嘅名，成日都話要同呢個男同學去迪士尼﹑去食Pizza﹑去溜冰，總之要做啲咩，都要同嗰個男仔一齊。