今天（29日）是容祖兒出道22周年的日子，她趁着別具意義的紀念日，推出全新廣東作品《不配》，並首次親自操刀執導MV，祖兒坦言面對不少難題，她說：「以前被拍，但今次係發出指令，話畀cameraman、舞者知道呢個動作同歌詞嘅關係、點樣呈現出嚟，又要攞唔同鏡頭捕捉唔同角度，對我嚟講係有啲難度。」
雖說是「處女」執導，不過她首次「執導」是20年前，當年更找來吳彥祖任男主角，她說：「有歌迷畀我睇，嗰陣時參加商台活動，拍咗一首叫《何苦》嘅歌，不過係比較玩票形式，今次係認真嘅一次。與其話執導，不如話我用多個身分，將呢首歌想表達嘅情緒，完整咁呈現出嚟，令聽眾、樂迷更加明白我想唱啲乜嘢。」
入行22年的祖兒感觸甚深，「要堅持22年係一件唔容易嘅事，喺呢22年入面繼續遵守自己諾言、繼續成長，好多謝身邊每一個去幫助我嘅人、我嘅歌迷、我屋企人」。
