繼MIRROR成員「教主」盧瀚霆（Anson Lo）擔任內褲模特兒騷肌後，今晚該時尚品牌在社交網貼了7秒的宣傳片，片中人同樣只露半臉，但眼利的網民發現粗壯手臂上的紋身，跟MIRROR另一成員「老闆」江𤒹生（Anson Kong，AK）一樣，片中AK同樣騷內褲邊，大曬結實腹肌及胸肌。
網上亦流傳另一張黑白照，相中AK用手指公拉起上衣，騷半邊巨胸，男人味爆燈，不少「生粉」（粉絲暱稱）留言：「請問出event係咪呢個造型？」、「黑之人工呼吸都搞唔掂 流血不止啊老闆」、「個紋身點認唔到，雙Anson搞唔掂呀，尖叫中…」「要求黑之人工呼吸」。
相關新聞：Anson Lo任內褲模特兒騷肌 神徒：流鼻血……
