孖DJ麻利細數最愛動畫 恆仔@ToNick唔識「入樽」冇偈傾 (17:35)

文章日期:2021年09月30日

「黃Viu煲劇平台」最近推出清談節目《同煲同BLOW》,由商台DJ麻利擔任主持,每集邀請不同嘉賓探討煲劇話題,頭炮嘉賓有樂隊ToNick主音趙善恆(恆仔),身為動畫迷的他坦言自小深受日本動畫影響,入行後無論音樂作品抑或執導電影,都充滿濃烈熱血動畫感!

在節目中,麻利與恆仔惺惺相惜,2人同是狂熱動畫迷,更是《鬼滅之刃》、《我的英雄學院》的頭號粉絲。不過數到恆仔的童年回憶,必定是《男兒當入樽》,他說:「細個真係會坐定定等電視播,返到學就會同同學傾劇情,冇睇過嘅真係唔可以做朋友,不過仲記得總有啲朋友,因為率先睇咗漫畫版,就會劇透晒,好乞人憎㗎!」

恆仔除了煲動畫外,更收集不少動畫角色模型公仔,為了讓「寶貝們」有安樂窩,他不惜「拆房」安置它們。恆仔表示:「自己儲落太多Figure,妹妹搬走後,我索性打通間房,放咗兩個櫃放公仔。」

受日本動畫文化影響的恆仔,在音樂及電影作品中,注入動畫主角信念與氣魄,將「熱血魂」蔓延下去,恆仔說:「好多熱血動畫真係深深影響咗我,直頭係入咗血一樣,自己作歌或執導嘅電影都受動畫啟發,希望透過作品再去啟發其他人。好似《一秒拳王》咁,入面嘅音樂、角色塑造都受到好多唔同嘅動畫薰陶。」

(即時娛樂)