符曉薇斥資7位數字、籌備3年的童裝品牌yelephant終於面世，除了囡囡Abigail化身模特兒做生招牌，陳柏宇亦「獻身」撐太太，一家三口上陣拍攝宣傳照。符曉薇透露創業原因，「自從Abi出世之後，發現買衫畀小朋友原來係一件有技巧嘅事，好難買到又靚、質料又好嘅衫，試過買件都幾貴嘅衫畀Abi，點知一除衫就見佢甩到成身黑色，所以對小朋友嚟講，質地好係最重要！基本呢個原因，創立yelephant第一個重點係布料，然後就係設計」。至於設計最大靈感當然是女兒Abi，「質料好，跟住最緊要靚，可以mix and match，咁樣大人有時想同小朋友襯埋一份都多啲選擇。設計上我會將自己嘅諗法講畀設計師聽，畫完出嚟再作出修改」。 符曉薇說老公陳柏宇很支持她，有時候亦會給意見。
