衞世輝設靈|胡楓何麗全齊讚衞世輝做事盡責 (20:21)

文章日期:2021年10月09日

無綫製作部非戲劇分部經理衞世輝,上月因心臟病離世,今日(9日)在紅磡世界殯儀館設靈。星夢娛樂CEO何麗全和資深藝人胡楓(修哥)到場致哀,修哥表示跟衞世輝相識多年,大讚對方做事盡責而且完美,對他十分欣賞,修哥說:「佢一路工作都好勤力,步步高陞,由PA升到依家呢個職位,非常難得,佢仍然努力為公司工作,呢個係我欣賞佢嘅地方,希望佢一路好走。(合作難忘事?)佢樣樣都好照顧我,好似我唔舒服,會擔張櫈畀我叫我休息,呢個係我深刻印象。」

何麗全則跟衞世輝相識近40年,大讚對方為人非常盡責,他說:「佢負責綜藝科廠房編配﹑財政預算同節目預算,曾志偉講過佢最幫得手,佢走咗好可惜。(你們感情要好?)我哋差不多同時期入嚟,都係由低做起,佢由PA到經理﹑監製,希望佢再更進一步....成班同事對佢離開感可惜,今日大風大雨都好多人嚟拜祭,人緣非常好,我同佢太太傾過,雖然阿輝走咗,但佢冇痛苦咁走,係佢嘅福氣。」

相關新聞:衞世輝設靈|曾志偉失去戰友感悲痛 未能送最後一程留憾

相關新聞:衞世輝設靈|靈堂內一片花海 堂弟衛志豪悼念:永遠係我最尊敬監製 

(即時娛樂)