李璨琛（Sam）的3歲囡囡李元元（Lucy）相當有表演慾，尤其熱愛唱歌跳舞，不時在家開騷，唱到七情上面，而Lucy對迪士尼動畫《魔雪奇緣》主題曲《Let It Go》情有獨鍾。
今午Lucy媽再在社交網貼了囡囡在家引吭高歌的片段，片中Lucy身穿藍色裙，再度高唱《Let It Go》，她唱得十分投入，唱到頭髮也亂了，Lucy媽笑言：「嗰一刻，老母覺得自己間房會爆炸 #天天LETGO身體好 #投入到呢」有網民搞笑留言：「住樓上唔知有咩感想？」Lucy媽回覆對方：「先唔好問樓上，點解你唔問吓老母有咩感想 #可唔可以關心下我呀」。
