被林愷鈴攬實 呂爵安變怕醜仔 拍MV搞到傷痕纍纍 (14:04)

文章日期:2021年10月24日

MIRROR成員呂爵安(Edan)第3首派台歌《My Apple Pie》反應不錯,Edan昨晚(23日)在個人YouTube頻道貼了《跟我去返工EP.6》片段,播出Edan拍該MV的事前準備以及拍攝花絮。

Edan邊敷面膜邊Set頭的片段曝光,他笑稱:「怕大家唔認得我,大家好,我係Edan。」鏡頭一轉就去到拍攝MV場地,Edan和MV女主角林愷鈴(Ashley)攬攬,其中一個鏡頭Ashley攬住Edan,攬完後,Edan被發現耳仔通紅,他害羞的說:「我耳仔比較薄,攬女仔當然會怕醜。」

身穿背心的Edan手瓜起𦟌,他笑稱:「梗係啦,啱啱攬住時我用佢(Ashley)膊頭借力,變咗咁樣,所以情緒唔係最重要,最重要係...手臂。」之後拍攝一場打架戲分,Edan拍到背心被扯爛,頸亦有輕微被抓傷,他說:「有傷痕嘅男人,先係真正嘅男人。」

期間花姐問Ashley覺得Edan是否很有男人味?Ashley點頭,花姐笑謂:「果然係戲子,識做戲真係識做戲。」Edan也笑說:「好戲之人。」Edan又驚訝Ashley原來都幾高,有173CM,而Edan的身高則是177CM,卻遭花姐嫌棄:「男仔之家177。」

拍完打架場面後,Edan直接問花姐覺得他的表現如何?花姐說:「我覺得平時嘅Edan係怕事嘅,突然咁勇敢,我唔可以相信嗰個係Edan囉,(佢)點會夠許光漢型呀?」拍攝完畢後,大伙兒在凌晨時分跟花姐慶祝生日,花姐講生日願望:「Edan新歌大賣,有個咁大隻嘅男人為我慶祝,實在係太高興喇﹗」

(即時娛樂)