張繼聰今早參加渣打香港馬拉松的半馬賽事，首次跑半馬的他以1小時33分29秒完成，帶住完成賽事的紀念獎牌回家。
細女張靖看到爸爸的紀念獎牌非常開心，全日將獎牌掛在頸上。阿聰說︰「妹妹今日一直戴住，好開心。其實係紀念品，不過我話係獎牌。佢問我係咪跑得好快？贏咗好多人？起初我仲求其作大啲話跑贏咗幾百人。剛才check番，原來我係第185名。喺6017位半馬參加者之中，原來我跑贏咗5832位跑手。」
阿聰強調他不是想認叻，但很想多謝他的教練王春榮女士。阿聰續說︰「其實我資質有限，不過教練叫我做咩，我就盡做。教練叫我唔好做咩，我就盡量唔做。一位出色嘅教練，真係化腐朽為神奇。教練多謝你﹗同埋感謝教練，今日派出一位師兄做我嘅Pacer。一位非常出色嘅年輕跑手，何敬武先生。感謝您沿路指導我調整步速呼吸，不斷心理輔導我，冇你冇我﹗」
