孖衛蘭開騷獻Sing 馮允謙被胞弟嫌棄舞姿 曾想刪跳舞環節 (12:04)

文章日期:2021年10月25日

「雙J」衛蘭(Janice)和馮允謙(Jay),昨晚(24日)於九展舉行音樂會尾場,吸引鄭欣宜、衛詩、林欣彤、6號@RubberBand、鍾舒漫、鍾舒祺、趙善恆和女友譚杏藍、黃淑蔓、曾比特等捧場。雙J彈結他為對方伴奏,Jay又模仿米高積遜跳舞自摸下體,再於Janice面前獻唱《心亂如麻》。

Jay表示人生第二次開騷,好榮幸能跟Janice合作,並說:「我讀書時聽Janice的歌長大!」台下觀眾起哄,Janice即撒嬌:「你咁講㗎,我唔係咁老啫﹗我都有聽你的歌。」

台上播出雙J童年片段後,Janice指與Jay有共通點,大家同是Twins,多謝孖生妹妹衛詩捧場,Jay談到孖生弟弟Tim頭場也來支持,卻嫌棄他的舞姿:「Tim說不想再看我跳舞,說我跳舞核突,爸爸媽媽特意從加拿大回來睇騷,我在家練舞,爸爸笑到肚痛,但我會努力。」

Janice自爆從小性格內向,Jay亦指自己性格好極端,可以與人講不停,也試過在家閉關寫作一星期。

騷後受訪,Jay自爆曾經想過縮沙刪除跳舞環節:「我好享受唱快歌帶動氣氛,但覺得自己跳舞難睇,加上被爸爸取笑,想叫導演取消跳舞部分,後來想到應該當新嘗試,反正遲早要學舞,若然今次不好看,希望下次跳好一點。」他佩服Janice只用了2小時便能記熟舞步,Janice謙稱累積少少舞台經驗,跳舞才較易上手。

Jay指女友身在加拿大未能捧場,若然明年開個唱,對方答應會返港睇騷支持,談到近期接連開過4場騷,感到滿足,奈何卻減少了時間寫歌,他說:「我希望能為Janice寫歌,答謝她合作。」

(即時娛樂)