MIRROR成員盧瀚霆（Anson Lo）趁萬聖節為「神徒」（粉絲暱稱）送上驚喜，他在社交平台分享一身兔仔打扮的照片，可愛度爆燈，並留言：「這個look做萬聖節造型，可以嗎？」粉絲們紛紛留言讚他可愛，連胡鴻鈞也畀Like！
至於「教主」Anson Lo招攬MV女主角的節目《神的女主角》將於明晚（11月1日）10時半首播，早前ViuTV Facebook專頁上載節目預告片，並介紹節目，「【為咗做神的女主角，可以去到幾盡？】單人匹馬練好十八般舞藝就做到教主MV女主角？無咁易！起碼都帶埋阿爸阿媽兄弟姐妹阿爺阿嫲一齊過嚟挑戰教主嘅考驗！追星再唔係阿仔阿女專利 ，暖暖親子活動！⭐無分年齡！無分輩份！用誠意、親情、信任打動教主，成為神的女主角！全新偶像 x 親子真人SHOW 《神的女主角》11月1日晚10點半首播！」至於片段中看到參賽者施展渾身解數外，更帶埋屋企人前來面試；Anson Lo則細心欣賞參賽者表演，一時拍晒手、一時露出驚訝表情。
