無綫台慶劇《換命真相》昨晚（1日）播出一集，飾演張旻的鄧佩儀，跟飾演歐陽家純的蔣家旻，因時光（譚俊彥飾）而反目，家純傷心出走，朴寶劍（朱敏瀚飾）在時光要求下暗中保護家純，最後寶劍帶無處可去的家純回家，豈料遭時光誤會而被「喪打」，但家純竟不顧而去。
慘變夾心人的紫山（劉佩玥飾）向張旻重提當年四姊妹反面舊事，原來當年紫山因有感旻被渣男欺騙感情，遂以自己做餌試探渣男，豈料遭對方強吻，還被旻誤會撬牆腳。昨晚劇集落在飾演學生版的倪嘉雯（Carmen）、黎康祺、羅毓儀及吳天兒身上，當中尤以飾演紫山的Carmen最為搶戲，舉手投足似足劉佩玥，羅毓儀則被讚樣子超可愛。
Carmen感激劉佩玥（Moon）無私分享：「我返廠睇阿Moon拍劇，試過睇通宵，盡量學佢嘅口頭禪、小動作同語氣。真係好感謝Moon，佢只要一有時間，就會同我分享佢點做個角色，例如會成日撥頭髮，講嘢會好快，全靠佢我先吸收得咁快。有啲場口我唔知點做，我都會請教佢，佢都好好人會幫我分析。」
