向海嵐（Anne）早前成為保健產品星級代言人，近日「反客為主」，決定入股投資該保健產品，正式由代言人升呢兼任老闆。日前她與另一位代言人王賢誌（Vinci）擔任一日店長，到九龍站寄賣店力sell自家產品。
兩位店長放下藝人包袱，落手落腳執頭執尾，由搬貨、執貨到上架都親自完成。在空檔時間，Anne不忘拿起「貓紙」溫書，惡補產品資料及成分。當有客人查詢時，Vinci發揮司儀口才，結果成功sell掂顧客！作為生招牌的Anne吸引不少師奶捧場客，更引來途人要求「集郵」。
Anne坦言體驗一日店長過程緊張又驚險：「都有少少辛苦，因為自己好緊張，當有客人問嘢時，要好熟悉產品資料，好驚自己講錯，同時又好想做成單生意，唔多唔少都有啲壓力。」
