鄭欣宜自嘲「和音災難」 C AllStar樂跳「四十步」 (19:31)

文章日期:2021年11月16日

鄭欣宜(Joyce)和C AllStar將於12月17日在九展Star Hall舉行「我是現場 音樂會004」,提早跟樂迷預祝聖誕,Joyce和C AllStar曾同台演出,但聯手開騷是首次。難得與C AllStar在Star Hall開騷,Joyce表示要挑戰不太擅長的和音!Joyce說:「C AllStar做嘅A Capella好靚、好和諧,但我係和音災難,但都想突破自己,同佢哋夾一Part,唱一首歌都好。」

C AllStar十分歡迎,On仔更提議:「有啲歌可以有個高音,就等Joyce挑戰一下。」除了合唱外,King想為Joyce作品「加料」,他說:「Joyce有好多跳舞歌,或者幫佢做Remix,做啲電子上嘅合作。」

音樂以外,很多樂迷很期待欣賞Joyce跳舞,她樂意至極,更說:「如果C AllStar可以同我跳舞梗係更好,之前為咗音樂會開會,我好似偷聽到釗峰話想跳舞。」釗峰笑言:「會盡量配合Joyce,喺佢隔籬伴舞,佢勁歌,我哋十字步。」Jase更說:「我哋會為Joyce新研製『四十步』,4個人跳十字步,就係『四十步』。」

他們表示未開騷已興奮,期望將節日氣氛帶到現場,屆時或即席讓樂迷點歌。釗峰說:「如果有人點英文歌,咁Joyce就可以係英文歌擔當。」On仔聞言即說:「點歌的話就真係我是現場喇!好貼題!」釗峰補充:「我仲想睇Joyce臨場爆肚,大家都知,女歌手嚟講,佢講嘢都係首屈一指,希望佢爆肚時,我哋都可以好歡欣。」

(即時娛樂)