MIRROR人氣強勁，是廣告商的寵兒，最近成員陳卓賢（Ian）首度成為銀行理財服務代言人，拍攝一系列廣告。Ian在廣告中化身知性型男生，既打排球、籃球，又自彈自唱，並以自身經歷分享人生種種體會，「我好喜歡今次嘅廣告主題『Playlist』，起初我以為呢個App可以聽歌咁好，原來呢個『Playlist』係比喻為我哋嘅人生to-do list，因為我哋每日都會有好多嘢想做，以我為例，不同嘅階段都有唔同追求，以前熱愛排球，就盡全力去訓練，依家鍾意音樂，就瞓身去追夢，儲儲埋埋就變成咗一張好長嘅to-do list」。
